Arkitektastofan Zeppelin arkitektar var stofnuð árið 1997 og hefur frá þeim tíma hannað mikinn fjölda bygginga af öllum stærðum og gerðum. Má þar m.a. nefna Sjálandsskóla í Garðabæ og sumarbústað við Þingvallavatn sem var tilnefndur til íslensku byggingarlistaverðlaunanna.

 

Við tökum oft þátt í opinberum samkeppnum og höfum unnið til verðlauna. Slík vinna er ákaflega tímafrek, en jafnframt skemmtileg og góður vettvangur fyrir metnaðarfullar hugmyndir.

​

Við höfum frá árinu 2006 hannað og teiknað nær allar byggingar í þrívíddarforritum, en það auðveldar bæði okkur og viðskiptavinum okkar að skilja og sjá betur hvernig húsin munu líta út. Öll vinna er skemmtilegri og við fullyrðum að það skili sér í betri hönnun og fækki mistökum, sem geta kosta mikið.

​

Til þess að bygging heppnist vel þurfa húsbyggjandi og arkitekt að vinna vel saman og leggja fram skýr markmið, sem arkitektinn vinnur eftir. Þessi markmið byggja á þörfum og efnum viðskiptavinarins og staðháttum, svo sem sólar, vinda og útsýnis. Sé þessum markmiðum haldið til haga, aukast líkurnar á að vel takist til. Við leggjum því mikla áherslu á að stytta okkur ekki leið framhjá upphaflega settum markmiðum.

​

Sífellt verður flóknara að byggja og húsbyggjendur þurfa að kunna skil á fjölmörgum atriðum er varða leyfisveitingar og hvernig val á verktökum fer fram og samskipti við þá. Við aðstoðum og leiðbeinum viðskiptamönnum okkar í gegnum þennan frumskóg svo þeir átti sig betur á því sem við er að fást.